Навіны Беларусі. У Крупскім раённым доме рамёстваў адраджаюць і захоўваюць самабытнае мастацтва продкаў, паведамілі ў праграме «Міншчына» на СТБ. Мясцовыя жыхары ствараюць аўтэнтычныя рэчы ўласнага дызайну і валодаюць каля 40 напрамкамі творчасці. Саломапляценне, ткацтва, разьба па дрэве, шыццё, вязанне і іншае.
З таленавітымі крупчанамі пазнаёмілася Юлія Мініч.
Вырабы з дрэва, саломкі і лазы. Унікальныя аўтэнтычныя рэчы ручной працы ствараюць у Крупскім раённым доме рамёстваў. Мясцовыя майстры ведаюць сакрэты старажытнага рукадзелля. Яны адраджаюць самабытнае мастацтва продкаў, развіваюць і перадаюць маладому пакаленню. Многія з іх уваходзяць у клуб майстроў народнай творчасці «Таленты Крупшчыны».
Яніна Паўлаўна Мікульчык – адзіны народны майстар Беларусі на Крупшчыне. Займаецца ткацкай справай.
