Навіны Беларусі. Сотні людзей сёння змогуць праверыць сваё веданне беларускай мовы. Традыцыйна па ўсёй краіне пройдзе дыктант, прысвечаны Дню роднай мовы, паведамілі ў праграме Навіны «24 гадзіны» на СТБ.
У мінскім музеі Якуба Коласа за добра напісаны дыктант па беларускай мове дадуць падарунак
21 февраля 2018 07:09
А ў сталічным музеі Якуба Коласа да агульнанацыянальнага флэшмобу аднесліся з крэатывам: за тэкст без памылак дадуць падарунак. Усё, што трэба, – напісаць дыктоўку на 10 балаў і ведаць твор, з якога ўзяты ўрывак.
Цiкавасць да роднай мовы паступова расце. Зараз па-беларуску гавораць не толькі ў літаратурных колах. Яе актыўна ўжываюць у сферы бізнесу, рэкламе, на інтэрнэт-прасторы. Ужо каля паловы сярэдніх школ – з беларускамоўным навучаннем. Ёсць і спецыяльныя курсы, прычым попыт на такія заняткі даволі высокі.
Аляксандр Лукашанец, першы намеснік дырэктара па навуковай рабоце Цэнтра даследаванняў беларускай культуры, мовы і літаратуры НАН Беларусі:
Мова – гэта тое, чым мы можам ганарыцца, таму што яна прайшла вялікі гістарычны шлях развіцця, яна садзейнічала і фарміраванню нацыянальнай свядомасці беларусаў. I сёння яна падтрымлівае нашу адметнасць у свеце – і краіны, і кожнага беларуса ў асобнасці.
Да акцыі таксама прымяркуюць навуковыя канферэнцыі і семінары, выставы, конкурсы і тэматычныя вечары. Святочныя мерапрыемствы пройдуць па ўсёй краіне і працягнуцца да канца тыдня.